2023 жылғы 27 сәуірде "№3 балалар музыка мектебі " КМҚК  негізінде білім бөлімінің  әдістемелік кабинетінің жоспарына  сәйкес,  музыкалық  бағытта  балаларға  қосымша білім  берудің білім беру бағдарламаларын іске асыратын білім беру ұйымдарының педагог кадрларына арналған қалалық "Педагогикалық идеялар" семинар-фестивалі өткізілді.Өткізілген  шараға Қарағанды қаласының  мектепттен тыс ұйымдар директорларының орынбасарлары, теориялық, халық  аспаптары және вокалдық-хор бөлімдерінің оқытушылары  қатысты. Іс-шараның көрнекті  сәтінің бірі "№3балалар музыка мектебі" КМҚК  педагогтері дайындаған М.Төлебаевтың "Біржан -Сара" лирикалық-драмалық операдан театрландырылған қойылым болды. Сонымен қатар бір неше шығармашылық сыныптар өткізілді.Сондай-ақ, іс-шара соңында психолог, академик Е.А.Бөкетов  атындағы университетінің психология кафедрасының аға  оқытушысы Ж.С.Рахымбекова  тренинг элементтерімен психологиялық шара  өткізді. Семинар-фестиваль кәсіби деңгейде,  практикалық  сипатта өткізілді  және  көптеген құнды мәліметтерді  қамтыды.