Балалар қорғау күнінің қарсаңында №3 Балалар музыка мектебі  "Сарыарқа дарыны" АҒПО басқаруымен облыстық қашықтық "Балдәурен" атты домбырашылар арасында байқау өткізді. Байқауға 143 өтінім келіп түсті: Қарағанды, Саран, Жезқазған, Абай, Сәтбаев қалаларының, Атасу, Топар, Доскей, Молодежный кенттерінің, Осакаров ,Нұра, Шет, Бұқар жырау аудандарының музыка және өнер мектептерінің оқушылары байқауға белсенді қатысты. 80 қатысушы арасынан 2 қатысушы Бас жүлдеге ие болды, 78 қатысушы 1,2,3 орындарға ие болып, лауреат атанып, мадақтама алды, қалдғандары қатысушы сертификатын алды. Барлық қатысушыларға және музыка саласындағы білікті мамандардан құрылған қазылар алқасына үлкен алғысымызды білдіреміз.