25.01.2021

«Математика апталығы

Бүгін 25.01.2021жыл.Сабақтың тақырыбы: «Көңілді сандар және пішіндер»

Мақсаты: 5-ке дейін санау қабілетін пысықтау,реттік санау ,санмен заттарды сәйкестендіру дағдыларын қалыптастыру Геометриялық фигуралардың атаулары ,түстері туралы білімдерін дамыту,талдау және салыстыра алу қабілетін арттыру. Реттілікті сақтай білуге дағдыландыру . Тапқырлыққа,қызығушылыққа тәрбиелеу.

Сабағымызды шаттық шеңберден бастап ,балаларға өткен  сабақтар бойынша сұрақтар қоюдан бастадық, балалар жақсы жауап берді. Жаңа сабақты бастадық сандарды бір қайталап , есімізге түсіріп балалардың естеріне түсіру үшін сандарды әр-түрлі тәсілдермен санадық. Көңілді сандар болған соң көңілді сандар мен пішіндерді салуға кірістік балалар үшін сурет салып оны бояу өте қызықты . Балалар жақсы қызығушылықпен,белсенділікпен қатысты.Дидактикалық ойын: «Көңілді пішіндер» ойнадық балалар барлығын дұрыс орындады.

26.01.2021

Көңілді санау.Санау және сандарды салыстыру.Тауып көрші

Мақсаты: 5 саны көлемінде реттік санау, сандық және реттік санауды айыра білу (есептік және реттік санау), «қанша?», «нешінші?» сұрақтарына жауап беру. Қағаз бетінде бағдарлауға үйрету, заттардың арасынан геометриялық фигураларды таба білуге үйрету, 5 затты ұзындығына сәйкестендіру, заттардың ұзындығының кемуіне және өсуіне қарай сәйкестендіру, заттардың ұзындығының кемуіне және өсуіне қарай бір қатарға орналастыру.

   Сабағымыздың тақырыбы өте күшті балаларды бүгінгі сабаққа қызықтырып, сандарды санау және салыстырудан бастадым, балалар қатты қызығып сұрақтар қоя бастады сабағымыз өте көңілді өтті балалар өте белсенді қатысты барлығы дерлік қойылған сұрақтарға жауап беруге тырысты. Тауып көрші ойынынын ойнағанда да өте жақсы қатысты.

27.01.2021ж

Геометриялық пішіндер қаласы, сандарды санау және асық

Мақсаты: Балалардың білімдерін кеңейту, тілдерін дамыту,ақыл-ойын дамыту,зейінін тұрақтату.

 Геометриялық фигураларды үш сипаттама (түсі,пішіні,көлемі) арқылы сұраптау білу.__

Міндеттер:

Білімділік: 1-10-ға дейін сандарды қайталап, білімдерін бекіту. геометриялық пішіндерді айырып, салыстыруларын бекіту. Сандарды атап арифметикалық есептер шығару.

Дамытушылық: -Логикалық ойлауларын, есте сақтау қабілеттерін дамыту , тапқырлығын арттыру.Санамақтар айтқызып математикалық ойын арқылы балалардың тілдерін дамыту.

Тәрбиелік: Зейінділікке, ойшылдыққа, қамқорлыққа, бір-бірімен қарым-қатынас жасау білу тәрбиелеу;

Бүгінгі сабақ тақырыбы: Геометриялық пішіндер қаласы, асық туралы бейне ролик,және санау мульфилмі. Сабағымызды сандарды қайталап еске түсіруден бастадық, санап болғаннан кейін геометриялық пішіндер туралы әгімелесіп, геометриялық пішіндер қаласын жасау жапсыру жұмысына кірістік сабақты екі топқа бөліп өткіздім, балалар барлық заттарды өздері қиып жұмысты белсенді атқарды. Жұмысты таза орындауға тырысыты.Жапсыру аяқталғаннан кейін асық туралы бейне ролик корип балалармен асық туралы әңгіме айттып, асықтық райдасының көп екенін түсіндірдім ,асықпен ойнадық сабағымыз көңілді өте жақсы өтті.

28.01.2021

Сюжеттік ролдік ойын көкеніс

Мақсаты: Азық-түлік, көкөніс, кітап дүкені, әмбебап дүкендеріндегі ересектердің еңбегімен таныстыру. Ойынға деген қызығушылығын дамыту. Балалар арасында өзара жағымды қарым-қатынасын қалыптастыру. Балаларды дүкеншілердің еңбегін құрметтеуге тәрбиелеу.

Ойын материалы: Құрылыс материалдары, ойыншықтар, азық-түлік муляжы, қуыршақтар, қуыршақтарға арналған киімдер, киім ілгіштер, айна, касса, сөре, қолдан жасалған кітапшалар, әмиандар.

Ойын барысы: «Дүкен» ойынына дайындық барысында тәрбиеші түрлі себептермен дүкенге бару қажеттігін хабарлайды. Мәселен, бір баланың туған күніне сыйлық алу үшін, не болмаса жәй дүкеннен қандай да бір тауар алу қажет болады. Осындай жағдайларда балалар дүкенге қандай да бір қажеттілікпен баратынын түсінуі тиіс. Тәрбиеші балаларға: «Бүгін Санаттың туған күні. Санат 1 жасқа өсті, ол енді 5 жаста. Біз дүкенге барып, оған сыйлық сатып алайық» немесе «8 Наурыз мерекесі таяп қалды, жалаушалар жасап, бөлмені безендіру қажет. Бірақ бізде қағаз жоқ. Біз дүкенге барып түрлі-түсті қағаз сатып аламыз да, одан жалаушалар жасаймыз. Содан соң бөлмені жалаушалармен безендіреміз, біздің тобымыз өте әдемі болады»- дейді.

Дүкенге саяхатқа аттана отырып, тәрбиеші балалардың тағы да қайда және не үшін бара жатырғандарын еске түсіреді («Біз дүкенге Санатқа сыйлық алуға бара жатырмыз» немесе «Біз дүкенге қағаз сатып алуға барамыз»). Дүкенге саяхат жасағанда ондағы сөрелерді, тауарларды көрсетіп, осының бәрі дүкенге тән бұйымдар екенін түсіндіру қажет.

Балалар дүкеннен қажет деген тауарларын таңдайды, кейде сипаттайды және сатып алады. Дүкендегі қарым-қатынасты балалардың өздері атқарғаны дұрыс. Тәрбиеші бір балаға дүкеншіден өзіне қажет тауар бар ма, әлде жоқ па, егер бар болса қанша тұратынын сұрауға тапсырма береді. Енді біріне тауарды таңдап алып, кассадан төлем жасауды ұсынады. Ал үшінші балаға дүкеншіден тауар алуды тапсырады. Бұл жағдайда балалар ересектермен қарым-қатынас жасайды, еңбек әрекетін орындайды, сатып алушы не тұтынушы ретінде ойынға қатысады. Осы орайда балалар ересектердің қызметіне араласа отырып, оның мәнін, мақсатын, оны орындау тәсілдерін айқындайды.

29.01.2021

"Жыл мезгілдері", "38 Тоты құс", "Математика ханшайымын таңғалдыр"

Тақырыбы: «Жыл мезгілдері»

Мақсаты: Балаларға жыл мезгілдері туралы, мезгілге тән өзгерістер мен

ерекшеліктер жайлы білімдерін кеңейте отырып, дүниетанымын, ой-өрісін дамыту.

Білімділігі: жыл мезгілдерінің ерекшеліктерімен таныстыру.

Дамытушылығы:табиғатқа деген сүйіспеншілікке баулу.

Тәрбиелілігі: сұрақты тыңдап, дұрыс жауап беруге тәрбиелеу.

Балалрмен жыл мезгілдері туралы әңгімелесіп балаларға сұрақтар қойып, балалар белсенді қатысты.

Тақырыбы:  "38 Тоты құс"

Мақсаты: Тотықұспен таныстыру және ол туралы түсініктер беру; оның ерекшеліктерін әңгімелеу; тотықұстың суреттерін көрсету арқылы зейіндерін және білуге деген құштарлықтарын арттыру. ол құсқа қамқор бола білуге тәрбиелеу."38 Тоты құс " ертегісін көріп балалармен ертегі туралы әңгіме жүргіздік және кім жылдам ойыны өткіздік балалар сұрақтарға жауап беріп қызығушылықпен қатысты.