Татулық пен келісімнің нұрына малынған 1 Мамыр- Қазақстан халықтарының бірлігі күні

Ел басына күн туған қилы замандарда да халқымызды ұлт ретінде сақтап қалған ынтымағы мен бірлігі. Сондықтан, бұл күн – әрбір қазақстандық үшін Отанға деген сүйіспеншілік пен патриоттық сезімнің, азаматтық борыш пен жалпы ұлттық келісімнің мерекесі.

Елбасымыз «Қазақстанның үшінші жаңғыруы: жаһандық бәсекеге қабілеттілік» атты  Қазақстан халқына арнаған жолдауында: «Біздің басты күшіміз бірлікте» - деп ұлықтағандай, сол татулық пен бірлікті қастерлеу баршамыздың қасиетті парызымыз.

Еліміздің басты қорғаушы күші – қоғамдық келісім мен этносаралық үйлесімді – сақтау Қазақ елінің алдында тұрған басты міндет. Қоғамдық келісім мен саяси тұрақтылық – біздің ең маңызды байлығымыз! Бұл жетістікті бағалау, оны сақтау жолында аянбай еңбек ету әрбір Қазақстан азаматының парызы.

Сәуір айында Астанада өткен Қазақстан халқы Ассамблеясының XXV сессиясында Ұлт Көшбасшысы Нұрсұлтан Әбішұлы Назарбаев: «Бүгінгі Ассамблея тарихы – тұрақтылықтың, татулықтың, бейбітшілік пен келісімнің шежіресі» - деп атап көрсеткеніндей, біздің мемлекетіміздің басты жетістігі еліміздің халықтарының ұлтаралық және конфессияаралық келісімі, өзара түсіністігі мен сыйластығы болып табылады.

Бүгінгі күні елімізде 136-дан астам ұлт пен ұлыстың өкілдері бір тудың астында тату-тәтті ғұмыр кешіп жатыр.Тәуелсіздік жылдарында алған асуларымыз бен жеткен жетістіктерімізде еліміздегі барша осы ұлт өкілдерінің еншісі бар.