Бірінші сынып оқушылары Әліппені оқып аяқтаған соң, мектеп кітапханасының қызметкерлері барлық бірінші сынып оқушыларын «Кітапхана, кітап, мен – біз тату отбасымыз» атты алғашқы кітапханалық сабаққа шақырды.

         Е.М.Паршкова мектеп кітапханасы бойынша саяхат өткізді,  кітапхана қорымен, тақырыптық сөрелермен және кітап көрмелерімен таныстырды.

         З.Р.Жусупова кітапханадағы кітаптарды пайдалану ережелері туралы, ертегі түрінде кітапханалардың құрылу тарихы туралы, қолда бар қазақ және орыс тілдеріндегі балаларға арналған  журналдар мен газеттер туралы айтып берді.

         Сонымен қатар, бірінші сынып оқушылары әдебиеттік сұрақтарға жауап берді. Одан кейін «Кітап хандығының» Жарлығы оқылды. Ақырында, балалар оқырмандардың антын айтты.

         Мектеп кітапханасына жаңа оқырман келді. Балалардың белсенді оқырман болатынына сенгіміз келеді.