7 «Д» сыныбында «Әділдік, теңдік және заң алдындағы жауапкершілік» тақырыбында сынып сағаты өтті.
Іс-шараның мақсаты — оқушылардың құқықтық сауаттылығын арттыру, әділдік пен теңдік құндылықтарын түсіндіру, заңды құрметтеуге және өз іс-әрекетіне жауапкершілікпен қарауға тәрбиелеу.
Сынып сағаты барысында тақырыптық таныстырылым көрсетіліп, заңның қоғамдағы рөлі, адамның негізгі құқықтары мен азаматтық міндеттері туралы түсінік берілді. Жасөспірімдер арасындағы құқық бұзушылықтың алдын алу, бұзақылық, ұрлық, кибербуллинг және қоғамдық мүлікке зиян келтірудің салдары сөз болды. Өз құқығын білумен қатар, өзгенің құқығын құрметтеудің маңызына назар аударылды.
Сабақ соңында «Заңды білу — өзіңді қорғау, заңды сақтау — азаматтық міндет» деген ой түйінделді. Сынып сағаты оқушылардың бойында әділдік, өзара құрмет және жауапкершілік қасиеттерін қалыптастыруға бағытталды.
Заң бәрімізге ортақ!
#АдалАзамат