TIME TO SHARE «1 мұғалім – 1 тәжірибе» жобасы аясында қазақ тілі мен әдебиеті мұғалімі - Айтбекова Ақжан Мұхтарқызы «Жасанды интеллект – мұғалімнің заманауи көмекшісі: тәжірибе және тиімді әдістер» тақырыбында өз тәжірибесімен бөлісті.
Жұмыс барысында ЖИ-ға тиімді сұраным (промпт) жазу формуласы таныстырылды (рөл, мақсат, контекст, формат және шектеу). Мұғалімдер жасанды интеллект көмегімен сабақ жоспарын құру, бір мәтін бойынша үш деңгейлі тапсырма жасау, түрлі сөздік карточкалар, рубрика және кері байланыс әдістерімен танысты. Қазақ тілі сабағына арналған нақты мысалдар мен практикалық тапсырмалар қарастырылды. Сондай-ақ жұмыс парағы, инфографика, комикс, стикерлер, қиып жапсыратын тапсырмалар мен 3D макет жасау идеялары көрсетілді.
Жасанды интеллект – мұғалімнің көмекшісі, ал соңғы шешім әрқашан мұғалімде қалады. Сондықтан ЖИ жауабын міндетті түрде тексеру және оқушылардың жеке деректерін енгізбеу қажет екені атап өтілді.
Қатысқан әріптестерге алғыс білдіріліп, бір сабақта бір жаңа әдісті сынап көру ұсынылды.
#Timetoshare1m1tkrg