№ 85 ЖББОМ кітапханасында З.Р.Жусупова және Е.М.Паршкова Қарағанды қаласының 80 – жылдығына арналған кітап-иллюстрациялық көрме даярлады. Жылдан-жылға Қарағанды гүлдене түсуде.

Уақыт өтеді, сонымен бірге бір кездері салынған ғимараттар, олардың сыртқы келбеті өзгереді. Бірақ біздер, яғни қаланың байырғы тұрғындары үшін бір нәрсе өзгеріссіз қалады – біз өзіміз туған, туғандай болып кеткен қаламызға өзіміздің еңбегімізді және өміріміздің ең жақсы жылдарын берген қаламызды бұрынғыша жақсы көреміз.

«Қарағанды -  біздің  мақтанышымыз   және   даңқымыз» -   «Караганда – наша гордость и слава» көрмесінде ұсынылған кітаптар оқырмандарды біздің қаламыздың тарихымен және бүгінгі күнімен, көз тартарлық орындарымен, қаланың сәулет ерекшелігімен, оның адамдарымен таныстырады.

Осы кітап-иллюстрациялық көрмеде ұсынылған Қарағанды суретшілерінің картиналары, қарағандылықтардың әдебиеттік және музыкалық шығармалары ерекше орын алады.

Түрлі жас топтарындағы оқушылар біздің көрмеден баяндама, шығарма, сынып сағаты үшін материал ғана емес, сонымен қатар көркем әдебиетті де таба алады.