26 қыркүйек күні "№85 ЖББМ" 9 сынып оқушылары “Теміржолшылар” мәдениет сарайында «Жұмысшы мамандықтар жылы» аясында «Мамандығында үздігі» атты ұлықтау кешіне қатысты. Шара барысында өз ісінің шебері, еңбегімен ерекшеленген үздік мамандардың жетістіктері дәріптеліп, олардың қажырлы еңбегіне құрмет көрсетілді. Кешке Қарағанды қаласы әкімінің орынбасары Жиенбаев Дархан Сәулеханұлы қатысып, қала әкімінің атынан еңбек майталмандарына “Құрмет грамоталарын” табыстады. Салтанатты бөлімнен кейін мәдениет сарайының өнерпаздары ән мен биден шашу шашып, көрермендерге көтеріңкі көңіл-күй сыйлады. Бұл кеш – еңбек адамының қоғамдағы мәртебесін көтеріп, жас ұрпақты адалдық пен табандылыққа тәрбиелеуді мақсат тұтқан тағылымды басқосу болды. #Адал_азамат                                          #кәсіптікбағдарберу                       #годрабочихпрофессий