1 сынып оқушыларының ашық тәрбие сағатының үстіндгі көрінісі.

Сабақтың мақсаты: Мұғалім – жалпы білім беретін мектептерде жас ұрпақты оқытып, әрі оларды тәрбиелеу  қызыметін атқаратын маман жайлы мағлұмат беру.

Мұғалім байырғы мамандықтардың бірі. Қоғамдық тәжірибені жаңа жас ұрпаққа беру және ол ұрпақты өмірге, еңбек етуге даярлау қажеттігі оқу мен тәрбиені өз алдына дербес қоғамдық қызыметке айналдырады.

Біздің елде арнаулы  1 қазан «Мұғалімдер күні» белгіленген .   Мұғалім -  мектептің айнасы, бәйтерегі.

Мұғалім еңбегінің  әлеуметтік мәніне, елдің мәдени өміріндегі белсенді рөліне  кезінде қазақ зиялылары

Көп көңіл бөлген . Ахмет Байтұрсынұлы «Жақсы мұғалім мектепке жан кіргізеді, басқа кемшілігі болса, мұғалімнің  жақсылығы жабады, білдірмейді» - деген болатын. Мұғалім білім нәрін себуші, мұғалім жақсы білімді болса, білген білімін алдында отырған шәкірттеріне үйрете білсе, ол мектептен бала көбірек білім алып шығады.

Өсіп келе жатқан ұрпақ – адамзаттың болашағы, жалғасы. Артта қалған ұрпақ саналы болса, адам баласының жер бетінде жасауыда сан ғасырларға жалғаса береді . Білім күші құдіретті. Ол бар жерде үздіксіз даму үрдісі жүреді.

Осы егеменді, тәуелсіз Қазақстанда өркениетке бастар жолдың бастауы – мектеп десек, мектептің басты тұлғасы, жүрегі – МҰҒАЛІМ.  Адамның адам болып қалыптасуына ата – аналармен қатар, мұғалімнің де рөлі зор.

Ұстаз болу -  жүректің батырлығы,

Ұстаз болу – сезімнің ақылдығы,

Ұстаз болу – мінездің күн шуағы,

Азбайтұғын адамның алтындығы –

Деп ақын Ғ. Қайырбеков жырлағандай, сөзі маржан, үні ән ұстаздардың бар болғанын мақтаныш етемін.

Қорытынды:

«Ұсаздық еткен жалықпас, үйретуден балаға» деп Абай атамыз айтқандай, ұстаз еңбегінің қыр сыры мол, қиын да жауапты, шығармашылық еңбек екендігін баршамыз мойындаймыз.