№85ЖББОМ «Латынға көшуді қолдаймын» тақырыбына мектеп кітапханасында көрме ұйымдастырылды. Көрмеге 5-7-сынып оқушылары қатысты. Мектеп кітапханашылары Е.М.Паршкова мен З.Р.Жусупова оқушыларға мемлекетте латын алфавитін енгізу туралы ақпаратты мәлімдеді.  Өз сөзін Е.М.Паршкова «Латын алфавитіне көшу қазақ тілін жаңғыртып қана қоймай, оны осы замаңғы ақпараттың тіліне айналдырады» деген   ҚР Президенті Н.Ә.Назарбаевтың сөзімен бастады.  Латын әліпбиіне көшу-қазақ халқының алға жылжуына, жаңа заман талабына сай өсіп-өркендеуіне, болашақта еліміздің жан-жақты дамуына үлкен үлес қосып, жемісі мен жеңісін әкелері сөзсіз. Біз латын әліпбиіне көше отырып, өркениетті елдердің қатарына қосыламыз. Сондықтан латын әліпбиіне көшу біз үшін, болашақ үшін әлдеқайда маңыздырақ. 

    Қазақ тілі мұғалімі Отеулина А.К.: « Әліпбиді латынмен ауыстырғанда біздің ұтатын жақтарымыз: біріншіден, тіл тазалығы мәселесі, қазақ тілін табиғи таза қалпын сақтауға мүмкіндік береді; екіншіден, қазақ тілін оқытқан уақытта, артық таңбаларға қатысты есле, ережелері қысқарады, үшіншіден, қазақ тілінің халықаралық дәрежеге шығуына жол ашады; төртіншіден, түбі бір түркі дүниесі, негізінен, латын алфавитін қолданады. Сондықтан олармен рухани, мәдени, ғылыми, экономикалық қарым-қатынасты, тығыз байланысты күшейтуіміз керек» - деп аяқтады.