Құрметті достар! 24 қарашада Қарағанды обл. Балалар өнер мектептерінің, жалпы білім беретін мектептердің оқушылары, мектепке дейінгі мекемелердің тәрбиеленушілері, оқушылар сарайлары, Цирк ұжымдары арасында «Би әлемі» хореографиялық және цирк өнерінің III облыстық байқауы өтті.
 Байқауды ұйымдастырушылар: Қарағанды қ. №2 Балалар өнер мектебі КМҚК, «Сарыарка дарыны» балаларға арналған қосымша білім беру өңірлік ғылыми-практикалық орталығының, Қарағанды қ. білім бөлімінің қолдауымен.
Айта кету керек, байқауға обл. қырықтан астам ұжымы қатысып, қазылар алқасы мен көрермендердің бағалауына конкурстық бағдарлама аясында жүзден астам цирк және хореографиялық өнер нөмірлерін ұсынды. Байқау ең жарқын, дарынды балаларды анықтау, жас таланттарды қолдау, қоғамның хореографиялық және цирк өнері мен біліміне деген қызығушылығын арттыру мақсатында ұйымдастырылды.
Байқау келесі номинациялар бойынша өткізілді:
Цирк өнері – «Эквилибристика», «Ерекше жанр», «Гимнастика», «Акробатика», «Жонглерлік»;
Хореографиялық өнер – «Эстрадалық би», «Классикалық би», «Халық биі», «Халықтық стильдендірілген би», «Заманауи хореография».
Қатысушылардың өнерлерін жоғары кәсіби қазылар алқасы бағалады, оның құрамына жетекші мамандар кірді:
Тәттімбет ат. Қарағанды өнер колледжінің «Жаппай театрландырылған қойылымдардың режиссуралары» Бөлімнің арнайы пәндер оқытушысы, халықаралық, республикалық және өңірлік конкурстардың судьясы Попова Любовь Владимировна.
Цирк әртісі, қоюшы-режиссер Қазақстандағы бірегей ATON шоу-жобасының негізін қалаушы, бесінші Дүниежүзілік көшпенділер ойындарының ашылуына қатысушы Бадин Артем Дмитриевич;
Ерекше жанрдың әртісі Жаров С. В.;
Отты шоу мен әуе гимнастикасының әртісі, «Luna» шығармашылық студиясы негізін қалаушы және  жетекшісі, республикалық және халықаралық чемпионаттардың күміс және алтын жүлдегері - Орункаева Е. Ю.
Астана қ. «Шабыт» би мектебінің педагог-хореографы, Қазақстан Республикасы Қорғаныс министрлігі ансамблінің солисі, халықаралық конкурстардың лауреаты - Алем Нуриденовна Салыкова;
Тәттімбет ат. Қарағанды өнер колледжінің хореографиялық пәндер оқытушысы, халықаралық, республикалық және өңірлік конкурстардың судьясы Кузнецова Елена Васильевна.