Мектеп-гимназия жоспарына сәйкес 19-26 ақпан аралығында гуманитарлық пәндер кафедрасының апталығы ұйымдастырылды. Апталық «Жаңартылған бағдарлама бойынша гуманитарлық пәндерді оқытуда оқушылардың функционалдық сауаттылығын дамыту» тақырыбы аясында өрбіді. Апталық барысында түрлі ісшаралар ұйымдастырылып, ашық сабақтар өткізілді. Сонымен қатар үзіліс кезінде мәнерлеп өлең оқу, қазақша әндер тыңдау, сондай-ақ оқушылардың жаңартылған білім беру бағдарламасы бойынша ой-пікірлерін білу мақсатында сұрақ-жауап шаралары ұйымдастырылды. Апталыққа оқушылар ғана емес, ұстаздар қауымы да белсенді қатысты. Мұғалімдер үшін «Гуманитарлық пәндерді оқытудағы креативтік әдіс-тәсілдер» атты тренинг пен «Оқушылардың функционалдық сауаттылығын дамыту: мәселелер мен инновациялық тәжірибелер» атты коучинг ұйымдастырылды. Апталыққа белсенді қатысқан оқушылар саптүзеуде алғыс хаттармен марапатталды.