«Адал азамат» бірыңғай тәрбие бағдарламасының 

«Заң және тәртіп» қағидаттарын іске асыру

2026 жылғы 20 қазанда «Адал азамат» бірыңғай тәрбие бағдарламасының «Адал еңбек» құндылықтары «Заң және тәртіп» қағидаттарын іске асыру жөнінде «Болашаққа қадам» жобасы  аясында 8-9 сынып оқушыларымен Академик Е.А. Бөкетов атындағы Қарағанды ұлттық зерттеу университетінің аға оқытушысы, Қазақстан Республикасы білім беру ісінің үздігі, көп жылдық тәжірибесі бар ағылшын тілінің маманы Қағазбаев Жаңбырбай Ахметұлымен «Әл-Фараби мұрасы-адал еңбек пен саналы мамандық таңдаудың негізі» тақырыбында дөңгелек үстел өтті. Мақсаты: «Адал азамат» біртұтас тәрбие бағдарламасы аясында оқушылардың кәсіби бағдарын айқындауына ықпал ету, мамандық таңдауда жеке қабілеттері мен қызығушылықтарын, еңбек нарығының сұраныстарын ескере отырып, саналы шешім қабылдау дағдыларын дамыту. 

   Дөңгелек үстел барысында «Адал азамат» біртұтас тәрбие бағдарламасының «Адал еңбек» құндылығы мен «Заң және тәртіп» қағидаттарының мәні түсіндіріліп, адалдық, тәртіп, еңбекқорлық, жауапкершілік және өз ісіне құрметпен қарау қасиеттерінің маңыздылығы атап өтілді. Кездесуде оқушылар мен 8 «З» сыныбының ата- аналары мамандық таңдауға байланысты алаңдатып жүрген сұрақтарын қойып, тәрбие мен білімге байланысты қатысты маңызды мәселелерді талқылады.

Басты тақырып мамандық таңдаудың адам өміріндегі маңызы, кәсіби бағдарды дұрыс анықтау, жеке қабілеттер мен қызығушылықтарды ескеру, еңбек нарығындағы сұранысқа сай білім мен дағдыларды қалыптастыру мәселелері талқыланды. Жаңбырбай Ахметұлы оқушыларға болашақ мамандықты таңдауда тек оның беделі мен табысына ғана емес, өз бейімділігіне, қабілетіне және қоғамға тигізетін пайдасына да назар аудару қажеттігін жеткізді.  

 

Ұйымдастырушылар география пәнінің  мұғалімдері Искакова Л.М., жас маман Шамен Жандос Есенұлы