26.03 күні «Lesson study» негізінде оқушылардың оқу жетістігін дамыту жолдары» тақырыбында 

 мұғалімдерге арналған шеберлік сынып өткізілді. Шараның негізгі мақсаты – мұғалімдердің кәсіби құзыреттілігін арттыру, «Lesson study» әдісінің тиімділігін тәжірибе жүзінде көрсету және оны оқу үдерісінде қолдану арқылы оқушылардың оқу жетістігін дамыту жолдарын айқындау болды.

Шеберлік сынып барысында қатысушыларға «Lesson study» тәсілінің кезеңдері (жоспарлау, бақылау, талдау, қорытындылау) таныстырылып, оның сабақ сапасын арттырудағы маңызы түсіндірілді. Мұғалімдер топтық жұмыс арқылы зерттеу сабағын жоспарлап, нақты оқу мақсаттарына сай тапсырмалар құрастырды. Сонымен қатар, оқушылардың оқу жетістігін бағалау, олардың қажеттіліктерін анықтау және саралап оқыту тәсілдерін тиімді қолдану жолдары қарастырылды.

Іс-шара барысында қатысушылар өз тәжірибелерімен алмасып, бірлескен талқылау жүргізді. Әсіресе, бақылау нәтижесінде алынған деректерді талдау және сол арқылы оқыту әдістерін жетілдіру мәселесіне ерекше назар аударылды.

Қорытынды бөлімде мұғалімдер «Lesson study» тәсілінің оқушылардың белсенділігін арттыруға, сыни ойлау дағдыларын дамытуға және оқу сапасын жақсартуға зор ықпал ететінін атап өтті. Шеберлік сынып өз мақсатына жетіп, қатысушыларға әдістемелік тұрғыдан пайдалы тәжірибе алаңы болды. Өткізген  биология пәні мұғалімі Илимбаева Г.Б