19.03.2026 күні Әл-Фараби атындағы мектеп- гимназиясында Қалалық білім бөлімінің әдістемелік кабинетінің жоспарына сәйкес дәстүрлі «GRAND Наурыз» жоғары деңгейде ұйымдастырылды. Оқушылар, ұстаздар және ата-аналардың бірлігі мен үйлесімді еңбегі нәтижесінде мереке мазмұнды, татылымды әрі рухани бай форматта өтті. Ұлттық ойындар мен салт-дәстүрлер арқылы халқымыздың асыл құндылықтары кеңінен насихатталып, қонақжайлықтың көркем үлгісі көрсетілді. 

Музейдегі көрме, ақ жаулықты әжелердің өнегесі, өнерлі шәкірттер мен ұстаздардың шығармашылығы мерекенің мәнін тереңдете түсті.

Шара соңында Қарағанды білім бөлімінің басшысы жиналған қауымды Наурыз мейрамымен құттықтап, келесі 2027 жылғы Көрісу күнін өткізетін мектепті жеребе арқылы анықтады. Нәтижесінде, келесі «GRAND Наурыз» өткізу мәртебесі №88 мектепке табысталды. Сенім мен сабақтастықтың айқын белгісі ретінде бұл мейрам ұлттық, құндылықтарымызды дәріптеудің жарқын көрінісіне айналды.