14 қараша күні 9 «А» сыныбында Информатика пәнінен «Электрондық кестеде деректер базасын құру» тақырыбында ашық сабақ өтті. Пән мұғалімі Ахметов Думан Жумашевич. Сабақтың мақсаты – оқушыларға электрондық кесте бағдарламасында деректер базасының құрылымын ұйымдастыру, өрістер мен жазбаларды енгізу, форманы қолдану тәсілдерін үйрету болды.
Сабақ басында сыныпта жағымды психологиялық ахуал қалыптастыру мақсатында оқушылар бір-біріне жақсы тілектер айтып, сол тілектердің мазмұнына сәйкес жасанды интеллект көмегімен шағын сурет құрастырды. Негізгі бөлімде мұғалім деректер базасының құрылымын Excel –де ұйымдастырудың талаптары мен қолдану ерекшеліктері туралы түсіндірді. Оқушыларды топқа бөліп, «100 кітап» және «Оқушылар» деректер базасын құру тапсырмасын ұсынды. Практикалық жұмыста әр оқушы Excel қолданбасында топта құрған жұмыстарын жасады. Оқушылардың білімдері жинақталып, бекітілді.Сабақ соңында оқушылардың жұмыстары «Қоржынға асықтар жинау» әдісімен бағаланып, тиімді кері байланыс берілді
Авторство:
