18.02.2025 жылы "Әл-Фараби атындағы мектеп-гимназиясы" КММ-де  «ZIATKERLIK MODERNIZASIA» жобасы аясында қала мектептерінің медициналық сынып оқушылары арасында "Медицина-халық саулығының негізі" атты құндылыққа негізделген танымдық ойын өткізілді. 

Ойынның мақсаты: "Медициналық сыныптар" жобасы аясында оқушылардың мектеп қабырғасында алған білім мен дағдыларын қолдануын арттыру,  болашақта халыққа қызмет ететін тұлғалардың құзіреттіліктерін дамыту.

Ойынды өткізудің форматы құндылықтарға негізделген білім беру аясында басталған бағыттарды игерді. Командалар құрамасы жинақталған білім мен дағдыларын болашақ медицина қызметкерлері ретінде айқындай түседі. 

Ойын 3 кезеңнен тұрды: 1 кезең «Анатомиялық аймақтар» сұрақ-жауап додасы. Адам ағзасының анатомиялық аймақтарын анықтап, сипаттады. Ойында қосымша макеттермен жұмыс түрлері болды.  2 кезең "ДНҚ-ның кодын шеш".  Ойында ДНК тізбегінің бөліктерін зерттеп, оны дұрыс реттілікке келтіру, тапсырмаларды орындады.  3 кезең "Топтық сынақ". Топ құрамындағы ойыншылар бірлесе отырып 2 ойын кезеңінен өтіп сұрақтарға жауап берді. 1 кезең "Лянгі". 2 кезең "Асық ату". Осы ойын кезеңдерінен өткен топтарға практикалық тапсырмалар берілді.

Танымдық ойынға қала мектептерінен жалпы алты мектеп қатысты. Ойын нәтижесінде «Бауыржан Момышұлы атындағы ЖББМ» КММ-нің «Бауыржан жастары» атты командасы  І орынды иеленді. ІІ орынды "Мағжан Жұмабаев атындағы гимназия " КММ-нің "Bio Miracle" командасы, ІІІ орынды  "Әл-Фараби атындағы мектеп-гимназиясы" КММ-нің  "Шипагер" командасы иеленді. Қалған үш мектептің оқушыларына сертификаттар берілді, олар №6 ЖББМ, «Әлімхан Ермеков атындағы мектеп-лицейі» КММ, «Әлихан Бөкейхан атындағы жалпы білім беретін мектебі» КММ.

Ұйымдастырушылар: "Әл-Фараби атындағы мектеп-гимназиясы" КММ-нің биология пәні мұғалімдері Рахимжанова А.Б., Махажанова Р.А.