2025 жылдың 17 қаңтар күні «Өнегелі өмір» жобасы аясында «Өнегеліге өріс кең» тақырыбында Е.А. Бөкетов атындағы  Қарағанды зерттеу Университетінің Бейнелеу өнері және дизайн кафедрасының аға оқытушысы, Қазақстан суретшілер Одағының және Еуразиялық дизайнерлер Одағының мүшесі, ҚР мәдениет және өнер саласының үздігі - Балабеков Қаныш Аманжоловичпен кездесу өтті.  Суретшінің туындылары өңірде ғана емес, ел көлемінде танымал. Оның картиналары мен мүсіндік ескерткіштері Қарағанды облысының көптеген аудандарын безендіріп тұр. Кездесуде Қаныш Аманжолович шығармашылық жолындағы елеулі кезеңдері мен еңбектері қамтылып, суретшілік мамандыққа келу жолындағы жылы естеліктерімен бөлісті. Қыл қалам иесі  оқушылармен кездесіп қана қоймай, өзінің тәжірибесімен бөлісіп, балалардың көкейіндегі сұрақтарға жауап берді. Кездесу соңында мектеп-гимназия директоры алғыс хат пен «Абай» өлеңдер жинағы кітабын сыйға тартып, оқушылар мен қоақтар керемет әсермен тарқасты.