Авторлық оқу бағдарламасы – жалпы білім беру стандартына сай оқу пәнінің білім беру мазмұнын анықтайтын, мемлекеттік білім беру стандартының негізінде жасалатын, нәтижесі тұлғаны дамытуға бағытталған, педагогикалық құндылық пен жаңалықтардан хабардар ететін авторлық педагогикалық шығармашылық іс.

 

Авторлық бағдарлама дайындау тәртібі бойынша әдістемелік көмек беру мақсатында мектеп-гимназиямызда  2024 жылғы 31 қазан күні педагогтарға арналған  «Авторлық бағдарлама жазудың басты талаптары» тақырыбында семинар өткізілді.

Білім беру саласындағы өзекті мәселені шешуде авторлық бағдарламаның маңыздылығы және мазмұны, құрылымының жаңашылдығы және өзектілігімен ерекшеленетіндігі атап өтілді. Сондай-ақ, авторлық бағдарламаның жаңашылдығын, инновациялық потенциалы бойынша бірнеше үлгілерін /түрлерін/ атап көрсетілді, рецензия беріліп, апробация жақсы нәтиже бергенде іске асатындығын тәжірибе арқылы көрсетілді. Авторлық бағдарламаны мектептің білім беру үрдісіне енгізу үшін рецензия (ішкі және сыртқы рецензия), апробация – эксперимент түрінде танысу қажеттігі атап өтілді.

Семинар соңындағы кері байланыста педагогтар өздерін ойландырған сұрақтарын қойып, толыққанды жауап алды. Қатысушылар алған білімдерін болашақта авторлық бағдарлама жасауда қолдана алады.

 

Тарих пәнінің оқытушылары

А.Е.Рахимова

К.Т.Ахметжанова