Жыл сайын 29 қазанда Республика бойынша «Қамқоршылар күні» өткізіледі. «Әл-Фараби мектеп гимназиясыны» КММ   әлеуметтік педагогі Ш.Т.Икенованың  бастамасымен аталмыш шараға орай оқушылардың бойларындағы адамгершілік, қайырымдылық, сүйіспеншілік, ізгілік, инабаттылық, ақылдылық, әдептілік қасиеттерін ояту мақсатында 9 «Д» сыныбында «Частичка сердца для тебя» атты тәрбие сағаты өткізілді. Тәрбиелік шара сынып жетекшісі Ибраева Н.Н алғы сөзімен басталды.  Алғы сөзінде қазақ салтындағы отбасы тәлімінің ерекше дәстүр екендігіне, отбасы адамға бақыт, толық мәнді тыныс-тіршілік әкелетіндігіне тоқталды.

Сынып сағаты барысында оқушылар қайырымдылық сөзінің мағынасын ашып, өздері жасаған ізгілік, қайырымдылық әрекеттерін атап өтті. Қайырымдылық туралы мақал-мәтелдер, қанатты сөздерге тоқталып, «Қамқоршы деген кім және ол қандай функцияларды орындайды?» және «Неліктен ол қамқоршы болып саналады?» деген сауалдардың төңірегінде өз ойларын ортаға салды. Шара соңында оқушылар бір-біріне жүрек жылуын сыйлап, халқымыздың ең ізгі қасиеттерінің бірі - қайырымдылықтың жаршысы болуға уәде беріп тарқасты.