11.09. 2024 жылы Перудің Лима қаласында өткен жасөспірімдер арасындағы әлем чемпионатында топ жарып, чемпион атанған мектебіміздің түлегі Санжар Ерұланұлымен кездесу өтті. Кездесу барысында Санжар Ерұланұлы спорттағы жетістіктеріне тоқталып, әр жеңістің маңдай термен келгенін сөз етті. Әсіресе, әлем чемпионатындағы алтын медальдың да оңайға түспегенін ерекше толқыныспен әңгімеледі. Мектеп ұстаздары мен оқушылар тарапынан сұрақтар қойылып, әсерлі сәтке куә болдық. Санжардың бойындағы намыс, еңбекқорлық, қарапайымдылық жас буын үшін үлгі-өнеге екені сөзсіз. Кездесу соңында мектеп директоры К.Д. Оспанова  сөз сөйлеп, Санжарды тарихи жеңісімен құттықтап, Алғыс хат табыстады.

#біртұтас_тәрбие