Жақсылық жасап жарысайық

 

Ел болашағының тізгінін ұстайтын жас ұрпақ – мемлекетіміздің басты құндылығы. Олардың толыққанды білім алып, саналы азамат болып қалыптасуына ықпал ету – басты міндет. 

Осыған орай, жаңа оқу жылының қарсаңында жыл бойы жалғасын табатын «Мектепке жол» Республикалық акциясы аясында «Әл-Фараби атындағы мектеп-гимназиясы» мемлекеттік коммуналдық мекемесінде белсенді жұмыс жүргізілуде. 2024-2025  жаңа оқу жылында ұйымдастырылған «Мектепке жол» Республикалық акциясы «Мектепке жол – Шекарасыз жақсылық» ұранымен өткізіліп отыр.

Акция аясында «Инклюзияны қолдау кабинеті» оқушылары мен әлеуметтік аз қамтылған отбасынан шыққан 30 оқушыға кеңсе құралдары мен мектеп сөмкесі таратылды. Демеушілік көрсеткен Шәкәрім Біржан «Garyshker» жеке қайырымдылық қоры.

Жақсылық жасау -  күн шуағындай адам жүрегін нұрға бөлейді. Ал, балаға қуаныш сыйлау бақыттың биік шыңы. Осы орайда акция аясында мектеп оқушыларына көмек көрсетіп қол ұшын созған әрбір демеушілерге тағы да шексіз алғыс білдіреміз.