«Медицинаға қадам» жобасы аясында
«Дені сау ұрпақ-болашақ кепілі» облыстық семинар
Ұлы тұлға әлемнің екінші ұстазы атанған
Әбу Насыр Әл-Фарабидің айналысқан негізгі
ғылым салаларының бірі ол медицина
екені бәрімізге белгілі.
Қарағанды облысы білім беруді дамытудың оқу-әдістемелік орталығының ұйымдастыруымен 2024 жылдың 19 сәуір күні «Медицинаға қадам» жобасы аясында «Дені сау ұрпақ-болашақ кепілі» тақырыбында облыстық семинар өткізілді.
Аталған іс-шараға Қарағанды медицина университетінің мамандары, Карағанды, Шахтинск, Саран, Теміртау қалалары, Абай ауданы және Жамбыл атындағы ММЛИ медициналық сыныптардың педагогтері бір жылдық жұмыстарының қорытындысы бойынша көрме жұмыстарын ұсынып, шебер сыныптарын көрсетіп, іс-тәжірибелермен бөлісті.
Бұл семинардың ең басты нәтижесі Қарағанды қаласы «Әл-Фараби атындағы МГ базасында «Мейірім тамшылары» атты медициналық кабинеттің ашылуы. Бұл кабинетте оқушылар кез-келген жағдайда алғашқы көмек көрсету шараларымен, қан-қысымын өлшеу, оқушылардың медициналық зерттеу жұмыстарымен айналысуға жағдай жасалынған.
Кабинеттің ашу мақсаты: оқушылардың медицина мамандығына деген қызығушылықтарын арттыру, кәсіптік бағдарға жол ашу және медициналық сауаттылығын арттыру.
Семинар екінші бөлігінде «Денсаулық өмір негізі», «Химиялық элементтердегі құндылықтар», «Адам ағзасының - химиялық құрамы» тақырыптарында ашық сабақтар өткізілді.
Семинар соңында қатысушылар тарапынан кері байланыс жасалып, пікірлерін айтты. Семинар жоғары деңгейде өткізілді.
Авторство:
