Ұлттық бірыңғай тест – бiлiм сапасының басты көрсеткiшi. ҰБТ-ның мақсаты – мектептi бiтiрушi түлектердiң негiзгi бес пәннен бағдарламаны қаншалықты меңгергендiгiн анықтау. Оны толық меңгеру -оқушының, меңгерту – мұғалiмнiң ең басты мiндетi. Мектеп сол арқылы баланы ертеңгi өмiрге даярлайды, оқушының болашақта белгiлi бiр мамандық иесi болуына жағдай жасайды. АЛ ҰБТ-ға дайындық орталықтарының мақсаты оқушыларды ҰБТ тестін сәтті және нәтижелі тапсыруына сапалы дайындық жасау.

ҰБТ-ға дайындық 10 сыныпта басталады. Бұған дейін де Samga Academy ҰБТ-ға дайындық орталығының ұйымдастыруымен 10 сынып оқушыларымен компьютерде сынақ тест өткізген болатынбыз. Бүгін «Достық білім беру» орталығымен бірлесіп мектебіміздегі 10 сынып оқушыларына алғашқы ҰБТ тестін тапсыру ұйымдастырылды. Тест тапсырудың алдында оқушыларды дайындық орталығының мұғалімдері ҰБТ туралы ақпараттармен таныстырды.

Тест 5 пәннен өтеді:

1. Қаз.тарихы-20 сұрақ

2. ⁠Оқу сауаттылығы-10 сұрақ

3. ⁠Мат.сауаттылық-10 сұрақ

4. ⁠Таңдау пән-1: 40 сұрақ

5. ⁠Таңдау пән-2: 40 сұрақ

 

Оқушылар өздерінің болашақта таңдайтын мамандығына қарай таңдау пәнін жобалап алып келді. Тест кітапшасымен жұмыс істегендіктен олар жауапкершілікті сезініп, барынша дұрыс жауап беруге тырысты.