2023 жылдың 23 қараша күні «әл-Фараби атындағы мектеп-гимназиясы» КММ-да  жалпы білім беретін пәндер бойынша 9-11 сынып оқушыларының республикалық олимпиадасының І мектепішілік  кезеңі өтті. Пән олимпиадасы – баланың ғылымға ғана  көзқарасын қалыптастырып қоймай, болашаққа деген нық сенімін орнатып, биік мақсаттар қоя алатын тұлға тәрбиелеудегі ең үлкен бәсеке. Олимпиада келесі пәндер бойынша өткізілді: қазақ тілі мен әдебиеті, математика, орыс тілі мен әдебиеті, ағылшын тілі, биология, химия, физика, информатика, география,  Қазақстан тарихы, құқық негіздері.  Олимпиадаға 179 оқушы қатысты. Олимпиаданың қорытындысы бойынша жоғары білімдерімен ерекшеленген оқушылар жүлделі І,ІІ,ІІІ орындарды иеленді. Атап айтсақ, І орынды 35 оқушы, ІІ орынды 33 оқушы, ІІІ орынды 47 оқушы алды.  Жүлдегер оқушыларымызды жеңістерімен құттықтап, қалалық  кезеңде оқушыларымыздың тек жеңіс тұғырынан көрінуін тілейміз.