“Туған елге тағзым” жобасы аясында мектеп-гимназиямыздың жылдық жұмыс жоспары және “Әл-Фараби” атындағы музейдің жұмыс жоспары негізінде ағымдағы жылдың 23-27 наурызы аралығында Қазақстанның рухани астанасы-Түркістан жеріне тарихи-мәдени танымдық экскурсия ұйымдастырылды. Экскурсияға мектебіміздің 47 оқушысы және жетекшілер барып қайтты. Үш күнге созылған экскурсияда оқушыларымыз тарихи орындар мен қатар “Жаңарған Түркістанның” жаңа келбетін тамашалады. Атап айтсақ әл-Фарабидің туған жері көне Отырар (Фараб) қалашығының орнында болып тың ақпараттарды игере отырып, жаңа қазба жұмыстарының куәгері болды. Сонымен қатар бірқатар киелі кесенелерге барып тарихи деректерді игерді. Мәдени-сауықтыру кешендерінде болып “Рухани Астанамыздың” көз тоймас кереметтерін тамашалап қайтты. Саяхат нәтижесінде оқушылар көктемгі демалыс уақыттарын тиімді өткізіп қана қоймай, Қазақстанның киелі мекеніндегі тарихи жәдігерлерді көзбен көріп ерекше сезімде болып рухани байып келді.