Мектебімізде «Өнегелі өмір» жобасы аясында «Қиялына қанат бітірген қыл қалам» тақырыбында Қазақстан Республикасының суретшілер одағының мүшесі, Қазақстан Республикасының көркем корреспендент мүшесі, Қазақстан дизайнерлер одағының мүшесі, Қазақстан Республикасының еңбек сіңірген мәдениет қайраткері, Алаш ұстанымдары мен ұлттық құндылықтарын жүзеге асыруға қосқан үлесі үшін төсбелгі иегері, Қарқабат Ана медалінің иегері, Қаз дауысты Қазыбек бидің 350 жылдық мерейтойының мерекелік медалі, 2013 жылдың «Жылдың үздік суретшісі» диплом иегері, доцент,  Е.А Бөкетов атындағы Қарағанды университетінің бейнелеу өнері және дизайн кафедрасының аға оқытушысы Мұстафин Бейбіт Ермекұлымен  кездесу өтті. Кездесу барысында оқушылар «Қыл қалам иесінің» шығармашылығымен таныса отырып, өздерін қызықтырған тақырыптағы сұрақтарға жауап алып кездесудің мазмұнды өтуіне өз үлестерін қосты. Құрметті қонағымыз – ерекше өнердің қыр-сырының құпиясын  көп  оқып, ерінбей еңбек етудің нәтижесі екенін айта отырып, келешекте балаларға армандарының орындалуымен қатар еліміздің білгір де мәдениетті, елінің көк туын биікке самғататын азаматтары болып өсулеріне тілегін білдірді.