Әл- Фараби атындағы мектеп-гимназиясында былтыр «Өнегелі өмір» жобасы аясында «Ғасыр адамы» атанған физик ғалым, физика- математика ғылымдарының докторы, профессор Темірғали Әбілдаұлы Көкетаевтың атына кабинет ашылған еді. Биыл кабинеттің ашылғанына 1 жыл толуына байланысты, 18 қазан күні шығармашылық кеш өтті. Кеште жас ұрпаққа ғалымның ерен еңбегі,  өмір жолы, отбасы, шәкірттері, досы туралы көптеген ақпаратттар айтылып,  бейнежазбалар көрсетілді. Шығармашылық кешке Темірғали Әбілдаұлы Көкетаев жұбайымен келді, кешіміздің арнайы шақырылған  қонақтары:  Абай атындағы мемлекеттік сыйлықтың иегері, ақын Серік Ақсұңқарұлы және ҚарУ-дың физика техника факультетінің деканы Зейниденов Асылбек Қалкенұлы. Шығармашылық кешке оnline қатысқандар: ғалымның әріптесі- Мұқашев Қанат Мұқашұлы, ғалымның өмірлік досы- Тұрмұғанбетов Ақылбек Жүрсінұлы, ғалымның шәкірті- Шункеев Қуанышбек Шункеевич, ғалымның қызы-  Көкетаева Қарлыға Темірғалиқызы. Ғалымның өлшеусіз ерен еңбегін ескеріп,  ұрпақ есінде мәңгі қалсын деген мақсатпен, мектептен кабинет ашып қана қоймай, ғалымды жастарға таныту жұмыстары жүріп жатыр. «Ғылым жолы-даңғыл жол» атты мақаламыз «Орталық Қазақстан» баспасынан жарық көріп, «Saryarqa» телеарнасының жаңалықтарынан көрсетілді.