1 маусым облыс әкімдігінде республикалық және халықаралық олимпиада жүлдегерлерімен кездесу өтті.  Біздің мектеп-гимназиядан қазақ тілінде оқытатын мектептердегі орыс тілі  пәнінен (жетекшісі Махажанова А.С.) жүлделі орынға ие болған 11 ә сынып оқушысы Мейраш Наргиз қатысып, ІІІ-дәрежелі  дипломмен және Қазақстан Республикасы Білім және ғылым министрінің Алғыс хатымен марапатталды. Наргиз-оқу үздігі, қызыл аттестат иегері, мектеп қабырғасында оқып жүргенде  түрлі байқау, олимпиадаларға қатысып жүлделі орындарға ие болған белсенді оқушылардың бірі. Түлегімізге болашақта жолы ашық болып, тек биік белестерден көріне берсін деп тілек айтамыз. Орыс тілі мұғалімі Айзат Сейтмановаға шығармашылық табыстар тілейміз.