Ағымдағы жылдың 28 мамырынан 9  сынып оқушыларының қорытынды бітіру емтихандары басталды. Бұл мектеп-гимназиямыздың 9 сынып түлектері үшін алғашқы сынақ. Сағат 9.45 қорытынды бітіру емтихандардың  басталуының  салтанатты ашылуы өтті, директор К. Оспанова оқушыларға құттықтау сөз айтып, сәттілік тіледі. Оқушылардың жүзінен қобалжу байқалады. Бірінші емтихан қазақ тілі және орыс тілі пәндерінен жазбаша түрде өтті. Тапсырма бойынша оқушыларға екі мәтін ұсынылады, олар мәтіндегі ақпарат пен өз пікірін пайдаланып, 170-200 сөз көлемінде эссе жазулары керек. Жыл бойғы алған білімдерін нақтылайтын кез келді, бұл сынақтан біздің оқушылар сүрінбей өтетініне сенімдіміз. Ендеше  оларға сәттілік тілейік!