За год | 0 |
За месяц | 0 |
За неделю | 0 |
Вчера | 0 |
26.04.22 ж. Әл-Фараби атындағы мектеп-гимназиясында мемлекеттік тілдің қолданылу аясын кеңейту, пән мұғалімдерінің кәсіби, әдістемелік шеберліктерін дамыту, оқыту үрдісін жетілдіру, тәжірибе алмасу мақсатында «Инновациялық аймақтағы сабақ» атты фестивальге мектебіміздің шебер ұстаздары да ат салысып, ашық сабақтар өткізіп, өз тәжірибелерімен бөлісті. Атап айтатын болсақ, қазақ тілі мен әдебиеті пәні мұғалімдері Зибагүл Лесбайқызы, Дана Оңғарқызы, Жұпар Мұратқызы. Ұстаздарымыз күнтізбелік сабақ жоспары бойынша «Компьютербасты жарты адам», «Білім – мемлекеттің қауіпсіздігі», «Ғарыш әлемі» тақырыптарына ашық сабақтар жүргізді. Әдеттегідей сабақтар ұйымдастыру кезеңімен басталып, өткен тақырыптарға шолу жасалып, негізгі тақырыпты әртүрлі әдіс-тәсілдерімен толықтырды. Сабақ барысында «Learningapps», «Word waal», «Lumio» және т.б. заманауи ақпараттық технологиялар жүзеге асып, оқылым, айтылым, жазылым әрекеттеріне сай «Фила кестесі», «Фишбоун», «Сәйкесін тап», «Бір минуттық эссе», сияқты амалдар орындалды. Ұстаздарымыз әр тапсырманы орындата отырып, «Жетістік баспалдағы», «Ғажайып сызықша» т.б. бағалау парақтарын таратып, формативтік бағалауды жүзеге асырды. Сабақ соңында оқушылар кері байланыс жасап, «SMS» хабарлама, «Плюс, минус, қызықты» әрекеттері арқылы өз ойларын білдіріп, сабақты қорытындылады. Аталмыш фестивальде білікті ұстаздарымыздың шеберліктеріне тәнті болдық. Ұстаздарымызға шығармашылық табыс тілейміз.
Contacts