2022 жылдың 16-шы наурызы күні Қарағанды қаласы «Әл-Фараби атындағы мектеп-гимназиясында» «Отандық Фарабитанушы»-Ақжан Жақсыбекұлы әл-Машани кабинетінің ашылуы болып өтті. 

Ақжан Жақсыбекұлы әл-Машани-геолог ғалым, тау-кен инженері, геология-минералогия ғылымдарының докторы, профессор, ҚР Ұлттық ғылым академиясының алғашқы құрылтайшыларының бірі және академияның корреспондент мүшесі, Қазақстанның еңбек сіңірген ғылым қайраткері, Қазақстанда Фарабидің қайта тууына көп қайрат жұмсаған еңбеккер ғалым ретінде танылған.

Кабинеттің ашылу салтанатының алғы сөзі мектеп-гимназия директоры К.Д.Оспановаға беріліп, құрметті қонақтарымыз Қарағанды қаласы білім бөлімінің басшысы Әшім Есентай Мұқатайұлы мен Машанитануда ерен еңбек атқарып жүрген тарихшы ғалым Академик  Е.А. Бөкетов атындағы Қарағанды университеті Қазақстан тарихы және Қазақстан халқы Ассамблеясының аға оқытушысы, тарих магистрі, тарих факультеті деканының ғылыми жұмыстар жөніндегі орынбасары Смағұлов Нұртас Бірлікұлына кабинеттің лентасын қию мәртебесі мен құттықтау сөздер берілді. Сонымен қатар құрметті қонақтарымыздың қатарында тарихшы, Орталық Қазақстан газетінің шолушысы Төлеуов Ерғазы Қадашұлы және Ақжан атамыздың жақын туысы Ақын Әсет Мұттахиұлы естеліктерімен бөліссе, өнердің ақ туын берік ұстаған Ербол Нұргелдіұлы өзінің арнауын орындап берді. Мектеп-гимназиямыздың жас зерттеушілері кабинеттің таныстырылымын өте мазмұнды ұсынды. 4 «Ғ» сыныбының бір топ бүлдіршіндері қорытындылаған салтанатты жиынымыз өз мәресіне жетіп, алдағы уақытта өз орнын ойып тұрып алатын шараларға толы болмақ.