«Болашаққа қадам» жобасы
2 наурыз күні «Болашаққа қадам» жобасы аясында Әл-Фараби атындағы мектеп- гимназиясының 10-11 сынып оқушылары Е.А. Бөкетов атындағы Қарағанды университетінің еңбек сіңірген қызметкері, Қарағанды облысы әкімінің құрмет грамотасының иегері, ТМД – нің үздік педагогы, ҚР білім беру ісінің үздігі, «Құрмет» орденінің иегері Қағазбаев Жаңбырбай Ахметұлымен сыр сұхбат сағатында кездесті.
Оқушыларға кәсіби бағдар беру – жас ұрпақты өсіруге, оқытуға, тәрбиелеуге жетелейді. Кәсіптік бағдар бойынша Қарағанды университетінің шет тілдер кафедрасы жайлы оқушыларға жан- жақты мәлімет берілді.Кәсіби бағдар берудің басты мақсаты – оқушыларға мамандық таңдау туралы шешім қабылдауға қолдау көрсету.
Мамандық таңдау деген - өзің айналысқың келетін жұмысты таңдау ғана емес, өзің араласқың келетін ортаны да таңдау. Қазақ «Адам екі түрлі жағдайда қателеспеу керек: бірі — жар таңдағанда, екіншісі — мамандық таңдағанда» деп бекер айтпаса керек.
Мамандық таңдаудан жаңылмай, өз өміріңіздің бір кірпішін дұрыс қалауыңызға тілектеспіз” - деген сөздермен кездесу қорытындыланды.
Авторство:
