«Латын – жаңашылдыққа бастар жол»

Ананың ақ сүтімен бойымызға дарыған ана тілім – жүректің терең сырларын, барлық толқындарын ұрпақтан-ұрпаққа жеткізетін қазына. Ана тілінің қадір-қасиетін бағалап, қыры мен сырын ұғынған әрбір жанның өрісі кең болатыны һақ. Сондықтан да біздің ана тіліміз жан-дүниеміздің айнасы. 

Бүгінгі күннің көкейкесті мәселесі осы тіл тағдыры. Яғни қазақ тілінің әліпбиін латын графикасына көшіру. Тарих төрінде қазақтың «қазақ» болып қалуы үшін осы өзгерістің рөлі өте маңызды. Латын әліпбиін насихаттау, қалыптастыру мақсатында қарқынды жұмыстар да іске асырылып жатыр. Осы орайда мектебіміздің «гуманитарлық пәндер кафедрасы» мұғалімдері арасында қазанның 23 күні қазақ тілі мен әдебиет пәні мұғалімі А.Тойымбекованың өткізуімен «Дауысты дыбыстарды таңбалайтын әріптер емлесі» тақырыбында тренинг жүргізілді. Тренингтің басты мақсаты: латын әліпбиін насихаттау, латын әліпбиінде жазу дағдысын қалыптастыру және әліпбидегі дауысты дыбыстарды таңбалайтын әріптер емлесін үйрету болды. Тренинг тіл тарихын таныстырумен басталып, жетілдірілген әліпби жобасындағы дауысты дыбыстардың таңбалануын түсіндірумен жалғасты. Тек түсіндіріп қана қоймай, түсіндірме жұмыстарды бекіту мақсатында «Word waal» бағдарламасымен «Қоржын сый» айдарында, «Giuizizz» бағдарламасымен «Білгенге маржан» айдарында топтық тапсырмалар орындалды. Сондай-ақ, «Сөз тапқанға қолқа жоқ» айдарында сілтемемен  жұмыс жасалса,  «Мен іздеген бір әріп» тақырыбында топтық жұмыс жүргізілді. Тренинг соңында геометриялық фигуралар арқылы қатысушы мұғалімдер өз бағаларын беріп, кері байланысқа түсті.