Әль-Фараби атындағы мектеп-гимназиясы кәсіптік медициналық сыныптардың 2020-2021 оқу жылындағы атқарған жұмыстарын қорытындылау және талдау жасау мақсатында қала мектептерімен "Медициналық сыныптар өмірінен" тақырыбында онлайн форматта кездесу өткізді. Кездесуге қалалық "Медицина сыныбы" жобасының жетекшісі Баграмова Г.Т. және қала мектептерінің медициналық сынып оқушылары мен ұстаздары қатысты. Кездесу барысында 2020-2021оқу жылы бойынша жұмыс нәтижелері презентация арқылы таныстырылып өтілді. Жаратылыстану бағыты бойынша "Жаратылыс ғажайыптары" бөлімінен бірнеше тәжірибелерді мектебіміздің
7 сынып оқушылары Орынбек Айша, Маханбетчина Аделия және Тұрысбаева Айжан "Жанбайтын шар", Жанбайтын орамал", "Көмірқышқыл газын алу", "Қызықты шар", "Артериялық қан қысымын өлшеу", "Төгілмейтін су" тәжірибелерін көрсетті. Тәжірибелер өте қызықты өтіп, қатысушы оқушылардың қызығушылығын арттырды. Оқушылар әр тәжірибені көре отырып, сұрақтар қою арқылы кері байланыс жасап , өз пікірлерін білдірді. Сонымен бірге 10 сынып оқушысы Келисова Айгерим "Ұлы тұлға " Х.Досмұхамедовтың өмірі мен шығармашылығы тақырыбында жасаған электрондық оқулығын таныстырды. Жетекшісі биология пәнінің мұғалімі Илимбаева Г.Б. Ұйымдастырғандар: "Әл-Фараби атындағы мектеп -гимназиясы" КММ директордың бейіндік оқыту жұмысы жөніндегі орынбасарлары:
Рахимова А.Е., Бейсембина А.А.
Биология пәнінің мұғалімдері: Махажанова Р.А., Акимова Н.Т. және химия пәнінің мұғалімі Досымбек Д.