Латын әліпбиіне көшудің маңыздылығы
Латын графикасына ауысу мәселесі еліміз тәуелсіздігіне қол жеткізген уақыттан бастап талқыланып келеді. 2012 жылы Тұңғыш Президент Н.Назарбаев 2025 жылға дейін латын қарпіне көшу қажеттігін «Қазақстан-2050» Стратегиясында мәлімдеді. Яғни 2025 жылға қарай іс қағаздар, мерзімді баспасөз, оқулықтар, бәрін латын әліпбиімен басып шығара басталады.
Қазақ тілінің жаңа латын графикасын әзірлеуде оны түрлі саладағы ғалымдар, оның ішінде тіл мамандары, сарапшылар, филологтер және бүкіл халық бірлесе талқылап, үлкен еңбек жасады.
Қазіргі кезде ҚР Президенті Қасым-Жомарт Тоқаевтың тапсырмасы негізінде қазақ тілі әліпбиінің жетілдірілген жобасын таныстыру шаралары барлық мекемелерде жүргізіліп жатыр.Жаңа әліпби жобасын түсіндіру, насихаттау жұмыстарын жүргізуде Қарағанды облысының Тілдерді дамыту жөніндегі басқармасы жанындағы Ресурстық тіл орталығының атқарып жатқан еңбектері зор.
Латын графикасына көшу - рухани жаңғыру үшін үлкен өзгеріс.Бұл әрекет қазақ ұлтының болашағы, еліміздің өркендеуі үшін жасалып отырған дүние, ұлттық кодымызды сақтап, ұлт ретінде дамуымызға жол ашады.
«Латын әліпбиін енгізу жұмысы біртіндеп жүзеге асуы керек. Негізінде, бұл графика жас ұрпаққа арналған деп айтуға болады. Оның игілігін, ең алдымен, солар көруі керек.....» деп мәлімдейді ҚР Президенті Қ.К.Тоқаев. Латын әліпбиі көп кешікпей көпшілік арасында кең таралып, ауқымы кеңейе түсетініне сенімдімін.

Қарағанды қаласы
«Әл-Фараби атындағы мектеп-гимназия» КММ
қазақ тілі мен әдебиеті мұғалімі Амантаева Д.О.