"Жаңартылған білім мазмұны бойынша оқу сапасын жақсартудағы тиімді әдістер мен тәсілдер" тақырыбында "Саран гуманитарлық-техникалық колледжі" КМҚК мен "Әл-Фараби атындағы мектеп-гимназиясы" КММ ұйымдастыруымен өткен семинарда қазақ тілі мен әдебиеті мұғалімдері Н.Акмамбетова мен Д.Амантаева шеберлік сыныбын көрсетті. Н.Акмамбетованың "Қазақ әдебиеті сабағында белсенді әдістерді қолдану арқылы оқушылардың функционалдық сауаттылығын дамыту" тақырыбындағы шеберлік сыныбында көркем шығарма мәтінімен жұмыс жасаудың белсенді әдістеріне құрылған тапсырма үлгілерін ортаға салып, "Кроссовер", "Жанрлық трансформация", "Фрайер моделі" әдістерінің тиімділігін атап өтті. Д.Амантаева Googlе. forms, learningApps бағдарламаларында жұмыс істеудің артықшылықтарымен бөлісті. Семинарға қатысушылар ұстаздардың жұмысына оң бағаларын берді.