Жаратылыстану-ғылыми сауаттылық және үштілді білім берудің кіріктірілген апталығы аясында  13-сәуір күні  9 «Б», 9 «В» сынып оқушылары арасында «Химия ғажайыптары» тақырыбында зияткерлік  сайыс  өткізілді. Сайыс ережесі бойынша оқушылар үш топқа бөлініп, берілген тапсырмаларды жоғары қызығушылықпен орындады. Атап айтсақ, химиялық формулалардың атын атау, берілген химиялық элементтерден формула құрастыру, т.б. Оқушыларға ерекше ұнағаны, өздері жасаған шағын тәжірибелер болды, яғни химиялық реакциялар — заттардың өзара әрекеттесуі нәтижесінде олардың химиялық құрамы мен құрылысы, түсі өзгеріп, басқа заттарға айналуы. Сайыс соңында қатысушыларымыз гимназия директорының мақтау қағазымен марапатталды. Ұйымдастырып өткізген химия пәні мұғалімі З.Б.Искакова.