11 наурызда  Әл Фараби атындағы мектеп-гимназияда  "Біз серіктеспіз" жобасы аясында  Қарағанды облысының Тілдер дамыту жөніндегі басқармасының  Ресурстық тіл орталығының әдіскері Боранғазы Фариза Ерланқызының  қатысуымен  "Латын әліпбиіне көшу мәселелері"  тақырыбында танымдық  сағат өткізілді. Іс-шараға 9,11 орыс  сыныптарының оқушылары, мұғалімдер, мектеп әкімшілігі  қатысты. Фариза Ерланқызы тыңдаушыларға латын  әліпбиіне  көшудің  маңыздылығын, латынға көшу арқылы ұлттық кодымызды,  ана тілімізді  сақтаудың  бір жолы екенін түсіндірді. Оқушылар қызығушылық танытып, латын әліпбиіне көшуге  байланысты өздерінің сұрақтарына жауап алды, латын графикасымен  жазылған  сөздерді оқып,  караокемен   ән салды. Іс-шараның соңында  мектеп директорының бейіндік оқыту жөніндегі орынбасары Рахимова Асылтас Ерингаиповна қорытынды  сөзінде  Ресурстық тіл орталығының  мамандарына алғыс айтып, оқушыларды  мемлекеттік тілді меңгеруде  табыс тіледі.