Әл-Фараби атындағы  мектеп-гимназиясының 6 "Б" сынып оқушысы Алтынханов Ернар Сұлтанұлы жастайынан спортқа ерте қадам басып, атап айтқанда 4-5 жасынан бастап,  Таэквондо секциясында өзінің алғашқы қадамдарын бастады. Еліміздің  түкпір-түкпірінде сайысқа түсіп, әр түрлі орындарды иеленді. Атап айтқанда ең алғашқы осы спорттағы жетістігін 6 жасында Теміртау қаласында өткен жарыста бірінші орынға ие болды. Қазіргі уақытта жалпы 21 медальі және кубоктары  бар. Оның ішінде 11 алтын, 4 күміс, 6 қола медальға қол жеткізген жас спортшы.

Ернар болашақта Әлемдік дәрежедегі жарыстарда  Еліміздің намысын қорғап, көк туымызды асқақтататын дарынды спортшы болады деп сенеміз.