18.01.2021-23.01.2021 жылы аралығында Гуманитарлық пәндер кафедрасының онкүндігі өтті. Гуманитарлық пәндер кафедрасының онкүндігімен қатар келген «ХХІ ғасыр - сауатты ұрпақ ғасыры!» аттыоқу сауаттылығы апталығы аясында біршама шаралар жүзеге асырылды. Бұл шаралар тілдің мәртебесін көтеруге көп септігін тигізгенін айта кетуімізге болады. Атап айтсақ, «Қазақ тілін креативті оқыту», 5-ші орыс сыныптары арасында «Менің тәуелсіз Қазақстаным» бөлімді оқып бітіру нәтижесінде, «тіл білгірі» зияткерлік –танымдық ойын сайысы өтті. Соның нәтижесінде, оқушылардың тілге деген құрметі, тілді қадірлеуге деген ынталары артты.

Тіл өлсе, ұлттың да өмір сүруі мүмкін емес. Сондықтан сіз қай ұлттың өкілі болмаңыз, тіл үшін күресуге міндеттісіз. Сол тілде сөйлейтін соңғы адам болсаңыз да, тіліңіз жайында аманат қалдыруға, мұра қалдыруға тырысуыңыз керек. Ойымды қорытындылай келгенде, оқушыларымыздың бойына аталған қасиетті дарытуда оқу сауаттылығының пайдасы зор екенін айта кетіп, осы бағыттағы жұмыстарды жандандыру көзделіп отыр.

Қазақ тілі мен әдебиеті пәнінің мұғалімі, жас маман О.Б.Құралов