Бүгін біз үшін үлкен мерейлі қуаныш!
«Ұлы даланың ұлы есімдері» жобасын жүзеге асыру мақсатында ҚР Үкіметінің 2020 жылғы 15 желтоқсандағы №857 Қаулысымен Қарағанды облысы білім беру ұйымдары мен мәдени нысандарға көрнекті тұлғалардың есмдері беріліп, 2020 жылдың желтоқсан айының 25 жұлдызында сағат 11.00-де әлемге аты әйгілі екінші ұстаз атанған Әл-Фараби бабамыздың туғанына 1150 жыл толуына орай және мектеп-гимназиямызға Әл-Фараби есімі берілуіне байланысты Әл-Фараби атындағы музейдің ашылу салтанаты онлайн режимде өткізілді.
Музейдің ашылу салтанатында мектеп-гимназия директоры Кымбат Дауитбековна Оспанова Қазақстан Республикасы Үкіметінің Қаулысымен таныстырып, кеш қонақтары Қарағанды қалалық мәслихатының хатшысы Құдайберген Бексұлтанұлы Бексұлтанов, Қарағанды облысының білім басқармасы басшысының орынбасары Гүлбақыт Серікжанқызы Жүнісова, тарих ғылымдарының кандидаты, Е.А.Бөкетов атындағы Қарағанды мемлекеттік университеті археология, этнология және Отан тарихы кафедрасының доценті, «Тұлғатану» ғылыми-зерттеу орталығының директоры - Нұрсахан Ахметқызы Бейсенбекова, білім саласының үздігі, Ыбырай Алтынсарин төсбелгісінің иегері, ардагер ұстаз, мектебіміздің Қамқоршылық кеңесінің мүшесі –Игембекова Рая Елубаевна және белсенді ата-ана Ремез Александр Иванович сөз сөйледі .
Музейдің ашылу салтанаты instagram, youtube және zoom платформалары арқылы тікелей эфирде көрсетіліп, ата-аналар, оқушылар және көрермендер жағымды пікірлер білдірді.
Бүгінгі игі істің бастамасына атсалысқан барлық азаматтарға, мектеп ұжымына, ата-аналар мен көрермендерге зор алғысымызды білдіреміз.
Ортақ қуаныш бәріңізге құтты болсын!
Авторство:
