Тәуелсіздік тірегі-мемлекеттік тіл.

   Тілге құрмет –елге құрмет. Елдің ертеңгі  тағдыры оның мемлекеттік тіліне тікелей байланысты болып келеді. Еліміз тәуелсіздік алғаннан бері қазақ тілінің кең қанат  жайып, өркендеуіне аса назар аударылып келеді. Қоғамда түрлі бағытта атқарылып жатқан істер қаншама!

   Мемлекеттік тілдің кең құлаш жайып өркендеуі  елімізде «тіл саясатын» нәтижелі жүргізудің жемісі екені анық. Алайда ,орын алып жатқан  кемшіліктер де аз емес. Қоғамның  барлық салаларында мемлекеттік тілдің орыс тілінен сауатты аударма жасалмауы әлі де дұрыс  жолға қойылмай келеді. Көше жарнамаларындағы, кейбір мекемелердің  мемлекеттік тілде жазылған  жазбаларындағы  қателер көз сүріндіреді. Ең өкініштісі, осыларды күнде көріп жүрсек те, көрмегендей  кейіп таныту әдетімізге айналып бара жатыр. Өсіп келе жатқан жас ұрпақ осындай қателерді оқып, ер жетіп келеді. Мемлекеттік тіл мәртебесінің  аяққа тапталып жатқанының бір көрінісі  осы  емес  пе? «Ана тілін тек өгей ұлдары ғана менсінбейді, өгей ұлдары ғана аяққа басады» деп Ғ. Мүсірепов айтқандай,  тәуелсіз мемлекетіміздің мемлекеттік тілін  құрметтеу- әрбір қазақстандықтың міндеті. №102 мектеп-гимназиясының

қазақ тілі мен әдебиеті пәнінің мұғалімі                                                                 

 Аскарбаева Т.А.