Түркілер тарихы және түркі дүниесі – адамзат тарихында айрықша із қалдырған, ұлы дала мәдениеті мен қалалық өркениетті қалыптастырған рухани-мәдени әрі этникалық біртұтас әлем.

Түркі көне дәуірлерден Еуразия кеңістігіндегі ірі империялар мен мемлекеттер құрған іргелі халық. Мектеп-гимназиямызда қосымша білім беруде "Туған елге тағзым" жобасы аясында ұйымдастырылатын «Ортақ түркі тарихы» атты үйірме жұмысы мазмұнында түрк жұрттарының  ең көне дәуірлерден ХV ғасырға дейінгі ортақ тарихы-түрк мемлекеттері мен әулеттері тарихы баяндалады.  Ірі тұлғалардың тарихтағы    рөлін ашады, елеулі тарихи оқиғалар мен құбылыстарды баяндалып айтылады.

Аталған үйірме жұмысы теориялық біліммен бастау алып көне түркілердің жерлеріне саяхат-сабақпен жалғасын табады деген жоспардамыз! Оқушылардың қызығушылығы өте жоғары! Оған дәлел, әр сабақ барысында жаңадан зерттеу сұрақтарының туындап шығармашылық жұмыстарға ұласуы.