Шұғыл жағдайларда алғашқы көмек көрсету жөніндегі қағидаларды халықтың барлық санаттары, оның ішінде оқушылар да игеруі тиіс. Осы мақсатта 2020 жылдың қараша айының 21 жұлдызында "Медициналық сынып" жобасы аясында  7 «Б» және 8 «А» сыныптарында «Дәрі-дәрмек химиясы» гимназиялық сабағында «Калий перманганатының концентрацияланған ерітіндісімен улану кезінде алғашқы көмек шаралары» тақырыбында дәріс форматындағы сабақтар өткізілді. 

Калий перманганаты еркін сатылымнан шығарылғанына қарамастан, осы уақытқа дейін көптеген үйлерде сақталған «қорлары» бар. Калий перманганаты жоғары белсенді заттарға жатады, сондықтан «марганцовканың» шамадан көп мөлшері улануларға әкеп соқтыруы мүмкін. 

Осындай улану жағдайларында уақытылы алғашқы көмек көрсету - зардап шеккендер арасындағы зардаптардың ауырлығын төмендетудің қажетті шарты болып табылады.

P.S. Алғашқы көмек көрсету науқасты дереу медициналық мекемеге апару немесе "жедел жәрдем" шақыру қажеттігін жоққа шығармайтынын да есте сақтаған жөн.

Пән мұғалімі, мектеп-гимназияның жас маманы—Нұртаева Айнұр