"№102 мектеп-гимназия"КММ 20 қараша күні Мусина Айман Оразовнаға арналған "Өшпес із қалдырған ұлағатты ұстаз"   атты естелік бұрышының салтанатты ашылуы болып өтті. Естелік бұрышын ашуға мектеп әкімшілігі, шығармашылық топ мүшелері, Айман Оразовнаның отбасымен қатар, қалалық білім бөлімінен тәрбие және әлеуметтендіру секторының бас маманы Хасенова Гульсим Тукеновна қатысты. Кеш бір минуттық үнсіздікпен еске алудан бастау алып "Естелік бұрышының" ашылу салтанатымен жалғасын тапты. 11 "Ә" сынып оқушысы Шукан Нұрбек өзінің "Ана туралы" өлеңін арнады. Кешімізді жалғастыру үшін сөз кезегі мектеп-гимназия басшысы Қымбат Дауитбековна мен қалалық білім бөлімінен келген  Гульсим Тукеновнаға берілді. Салтанатты ашылу кешін қорытындылау сөзі отбасы мүшелеріне беріліп, Айман Оразовнаның жолдасы Алибеков Айтбек мырза мен қызы Айгерим Айтбековнаның тарапынан алғыс айтылды. 

Арамыздан кеткенімен  көңілімізде мәңгілік ұялаған  Айман Оразовнаның жарқын бейнесі әрқашан есімізде сақталады дегіміз келеді.