Мұғалім ісі сырттай қарапайым болғанымен, тарихтағы ең ұлы істің бірі дегендей мектебімізде "Өнегелі өмір" жобасы аясында "Үлкендер жолы—ұлылық ұрпағы жүрер ұғынып" атты кездесуге  тарих ғылымдарының кандидаты, доцент, "Тұлғатану" ғылыми орталығының директоры Бейсенбекова Нұрсахан Ахметовнамен  өтті. Кездесудің алғысөзі №102 мектеп-гимназия директоры Қымбат Дауитбековнаға берілді. Мектеп директоры аталмыш кездесудің беретін тәлім-тәрбиесі мол екенін атап өтіп, алдағы уақытта да қаламыздағы табысты адамдармен өткізілетін жұмыстардың жалғасын табатынын тілге тиек етті. Сонымен қатар кездесу кейіпкері Нұрсахан Ахметовнаны 70 жылдық мерейтойымен шын жүректен құттықтай отырып, отбасына амандық, деніне саулық тіледі. Кездесу, қонақтар тарапынан бағытталған сұрақтармен жалғасын тауып, сұхбат арасында сергіту тапсырмаларымен ерекшеленді. Кездесуде тағылымы мол, салиһалы әңгімелер айтылды. Келешек ұрпаққа өнегелі кеш болды деп есептейміз. Өнегелі өмір кездесуіне келген қонағымыздың еңбегі әлі талай ұрпақтың кәдесіне жарап, алғысына ие болатыны сөзсіз. Ел үшін атқарар игі істеріңіз көп болсын! -деген алғыс-тілекпен кездесуіміз қорытындыланды.