Еңбек адамын дәріптеу бойынша ақпараттық-білім беру акциясы аясында мектеп-гимназиямыздың жас маманы, қазақ тілі мен әдебиеті пәнінің мұғалімі Олжас Бекұланұлы тәлімгері Мурат Жупар Мураткызының жетекшілігімен «Мамандық таңдау маңызды» тақырыбына арналған on-line әңгіме-сұхбат ұйымдастырды. 

Әңгіме-сұхбаттың қонақтары: Халықаралық Ақпараттандыру Академиясының  академигі, филология ғылымдарының докторы, профессор Смағұлов Жандос Қожахметұлы және ҚарМУ-дың доценті, Шетел тілінен даярлаудың теориясы мен практикасы кафедрасының аға оқытушысы, ҚР білім беру ісінің үздігі, ҚарМУ-дың еңбек сіңірген қызметкері Қағазбаев Жаңбырбай Ахметұлы. 

Сұхбат барысында қонақтарымыз мектебіміздің болашақ түлектеріне алдарында тұрған маңызды әрі жауапты мәселе - мамандық таңдау бойынша салиқалы сұқбат беріп, келелі кеңестерін айтып, өздерінің өмірлік тәжірибелерімен бөлісті. Алдағы уақытта мұндай кездесулер жалғасын табады деген ойдамыз. Әңгіме-сұхбатқа қатысқан болашақ түлектерімізге, ұстаздарға, қонақтарға алғыс білдіреміз.