2020 жылдың қыркүйек айының 19 күні мектеп әкімшілігімен «Жаңа оқу жылында балаларды оқыту туралы» жалпыреспубликалық ата-аналар жиналысы онлайн режимде өтті.

 

Күн тәртібінде: жаңа оқу жылындағы оқу форматтары, қашықтан оқыту процесі жүргізілетін білім беру Интернет- платформасымен танысу, интернеттегі балалардың жұмысын ата-ана бақылауы  ережелерімен таныстыру, жаңа оқу жылында білім алушыларды бағалау жүйесі, баланың оқу режимі және демалысы, баланы өздігінен оқуға қалай ынталандыруға болады? Ата-ана мен баланың қарым-қатынас психологиясы мәселелері қарастырылды.

 

 Ата-аналар кезекші сыныптардағы оқу процесі, интернет-платформалары, үй тапсырмасының мөлшеріне қатысты бірнеше сұрақтар қойып,  оларға мектеп әкімшілігі жауап берді.

 

Сонымен қатар, ата-аналар тарапынан 3 «Б» сынып жетекшісі -  К.Шардарбековаға, 4 «Б» сынып жетекшісі – Р.Скаковаға, 4 «В» сынып жетекшісі – Н. Сапаргалиеваға алғыс сөздер жазылды